ಯಕ್ಷಗಾನ ಕಲೆಯಲ್ಲಿ ಮನೋ ವಿಶ್ಲೇಷಣಾತ್ಮಕ ಧೋರಣೆ : ಡಾ. ಎಂ. ಪ್ರಭಾಕರ ಜೋಶಿ
ಲೇಖಕರು : ಉದಯವಾಣಿ
ಭಾನುವಾರ, ಫೆಬ್ರವರಿ 23 , 2014
|
|
ಫ಼ೆಬ್ರವರಿ 23, 2014
|
ಯಕ್ಷಗಾನ ಕಲೆಯಲ್ಲಿ ಮನೋ ವಿಶ್ಲೇಷಣಾತ್ಮಕ ಧೋರಣೆ : ಡಾ. ಎಂ. ಪ್ರಭಾಕರ ಜೋಶಿ
ಪುತ್ತೂರು :
ಯಕ್ಷಗಾನವು ನೃತ್ಯ, ಹಾಡುಗಾರಿಕೆ, ಮಾತುಗಾರಿಕೆ, ವೇಷಭೂಷಣಗಳನ್ನೊಳಗೊಂಡ ಒಂದು ಸ್ವತಂತ್ರವಾದ ಶಾಸ್ತ್ರೀಯ ಕಲೆ. ಕಾಲಾನುಕಾಲಕ್ಕೆ ಬದಲಾವಣೆ ಅನಿವಾರ್ಯವಾದರೂ ಅದರ ಘನತೆಗೆ ದಕ್ಕೆಯಾಗಬಾರದು ಎಂದು ಬಹಶ್ರುತ ವಿದ್ವಾಂಸ ಡಾ. ಎಂ. ಪ್ರಭಾಕರ ಜೋಶಿ ಹೇಳಿದರು.
ಕರ್ನಾಟಕ ಸಂಘದ ಮತ್ತು ಅನ್ಯಾನ್ಯ ಸಂಘ ಸಂಸ್ಥೆಗಳ ಸಹಯೋಗದಲ್ಲಿ ಅನುರಾಗ ವಠಾರದಲ್ಲಿ ನಡೆಯುತ್ತಿರುವ ಸಾಹಿತ್ಯ ಕಲಾ ಕುಶಲೋಪರಿಯ ಸಾಲ್ಮರ ಸ್ಕೋಪ್‌ ಕೌನ್ಸೆಲಿಂಗ್‌ ಹೋಮ್‌ ಸಂಯೋಜನೆಯಲ್ಲಿ ನಡೆದ 'ಯಕ್ಷ ಮನೋ ಚಿಂತನ ' ಕಾರ್ಯಕ್ರಮದಲ್ಲಿ ಯಕ್ಷಗಾನ ಕಲೆಯಲ್ಲಿ ಮನೋ ವಿಶ್ಲೇಷಣಾತ್ಮಕ ಧೋರಣೆ ವಿಷಯದ ಕುರಿತು ಅವರು ಮಾತನಾಡಿದರು.
ಕಲಾವಿದರನ್ನು ಎದುರು ಬದುರಾಗಿ ನೋಡುವಾಗ ಅವರು ತಮ್ಮ ಪಾತ್ರದ ವಿಶ್ಲೇಷಣೆಯನ್ನು ಮಾಡುವ ಕುರಿತು ಗಮನ ಕೊಡಬೇಕು ಎಂದ ಅವರು ಹಿಂದಿನ ಶಾಸ್ತ್ರಬದ್ಧವಾದ ಯಕ್ಷಗಾನವನ್ನು ಇಂದು ಬಿಂಬಿಸಲು ಸಾಧ್ಯವಿಲ್ಲ. ಯಕ್ಷಗಾನದಲ್ಲಿ ಹೊಸತು ಬರುವುದು ಸಾಮಾನ್ಯ ಎಂದರು. ಜಾನಪದ ಸಂಶೋಧಕ ಡಾ. ಸುಂದರ ಕೇನಾಜೆ ಪ್ರಾಸ್ತಾವಿಸಿದರು.
ಕರ್ನಾಟಕ ಸಂಘದ ಅಧ್ಯಕ್ಷ ಬಿ. ಪುರಂದರ ಭಟ್‌ ಅತಿಥಿಗಳಿಗೆ ಸ್ಮರಣಿಕೆ ನೀಡಿದರು. ಸ್ಕೋಪ್‌ ಕೌನ್ಸೆಲಿಂಗ್‌ ಹೋಮ್‌ನ ಗಂಗಾಧರ ಬೆಳ್ಳಾರೆ ಸ್ವಾಗತಿಸಿ, ವಿವೇಕಾನಂದ ಕನ್ನಡ ಮಾಧ್ಯಮ ಶಾಲೆಯ ಮುಖ್ಯಗುರು ಆಶಾ ಬೆಳ್ಳಾರೆ ವಂದಿಸಿದರು. ಅಡಿಕೆ ಪತ್ರಿಕೆ ಸಂಪಾದಕ ನಾ. ಕಾರಂತ ಪೆರಾಜೆ ಕಾರ್ಯಕ್ರಮ ನಿರ್ವಹಿಸಿದರು.
ಕೃಪೆ :
http://www.udayavani.com
|
|
|
